ताहि ते आयो सरन सबेरे - taahi te aayo saran sabere -तुलसीदास- Tulsidas #www.poemgazalshayari.in ||Poem|Gazal|Shayari|Hindi Kavita|Shayari|Love||

ताहि ते आयो सरन सबेरे।

ग्यान बिराग भगति साधन कछु सपनेहुँ नाथ न मेरे॥१॥

लोभ मोह मद काम क्रोध रिपु फिरत रैन दिन घेरे।

तिनहि मिले मन भयो कुपथ रत फिरै तिहारेहि फेरे॥२॥

दोष-निलय यह बिषय सोक-प्रद कहत संत स्त्रुति टेरे।

जानत हूँ अनुराग तहाँ अति सो हरि तुम्हरेहि प्रेरे॥३॥

बिष-पियूष सम करहु अगिनि हिम तारि सकहु बिनु बेरे।

तुम सब ईस कृपालु परम हित पुनि न पाइहौं हेरे॥४॥

यह जिय जानि रहौं सब तजि रघुबीर भरोसे तेरे।

तुलसीदास यह बिपति बाँगुरो तुमहिं सों बनै निबेरे॥५॥

 तुलसीदास- Tulsidas

#www.poemgazalshayari.in

||Poem|Gazal|Shayari|Hindi Kavita|Shayari|Love||