मन मेरे सोई सरूप बिचार - man mere soee saroop bichaar -- रैदास- Raidas #www.poemgazalshayari.in ||Poem|Gazal|Shayari|Hindi Kavita|Shayari|Love||

मन मेरे सोई सरूप बिचार।

आदि अंत अनंत परंम पद, संसै सकल निवारं।। टेक।।

जस हरि कहियत तस तौ नहीं, है अस जस कछू तैसा।

जानत जानत जानि रह्यौ मन, ताकौ मरम कहौ निज कैसा।।१।।

कहियत आन अनुभवत आन, रस मिल्या न बेगर होई।

बाहरि भीतरि गुप्त प्रगट, घट घट प्रति और न कोई।।२।।

आदि ही येक अंति सो एकै, मधि उपाधि सु कैसे।

है सो येक पै भ्रम तैं दूजा, कनक अल्यंकृत जैसैं।।३।।

कहै रैदास प्रकास परम पद, का जप तप ब्रत पूजा।

एक अनेक येक हरि, करौं कवण बिधि दूजा।।४।।

- रैदास- Raidas

#www.poemgazalshayari.in

||Poem|Gazal|Shayari|Hindi Kavita|Shayari|Love||