मैं का जांनूं देव मैं का जांनू - main ka jaannoon dev main ka jaannoo -- रैदास- Raidas #www.poemgazalshayari.in ||Poem|Gazal|Shayari|Hindi Kavita|Shayari|Love||

मैं का जांनूं देव मैं का जांनू।

मन माया के हाथि बिकांनूं।। टेक।।

चंचल मनवां चहु दिसि धावै; जिभ्या इंद्री हाथि न आवै।

तुम तौ आहि जगत गुर स्वांमीं, हम कहियत कलिजुग के कांमी।।१।।

लोक बेद मेरे सुकृत बढ़ाई, लोक लीक मोपैं तजी न जाई।

इन मिलि मेरौ मन जु बिगार्यौ, दिन दिन हरि जी सूँ अंतर पार्यौ।।२।।

सनक सनंदन महा मुनि ग्यांनी, सुख नारद ब्यास इहै बखांनीं।

गावत निगम उमांपति स्वांमीं, सेस सहंस मुख कीरति गांमी।।३।।

जहाँ जहाँ जांऊँ तहाँ दुख की रासी, जौ न पतियाइ साध है साखी।

जमदूतनि बहु बिधि करि मार्यौ, तऊ निलज अजहूँ नहीं हार्यौ।।४।।

हरि पद बिमुख आस नहीं छूटै, ताथैं त्रिसनां दिन दिन लूटै।

बहु बिधि करम लीयैं भटकावै, तुमहि दोस हरि कौं न लगावै।।५।।

केवल रांम नांम नहीं लीया। संतुति विषै स्वादि चित दीया।

कहै रैदास कहाँ लग कहिये, बिन जग नाथ सदा सुख सहियै।।६।।

- रैदास- Raidas

#www.poemgazalshayari.in

||Poem|Gazal|Shayari|Hindi Kavita|Shayari|Love||